“Fálame” é unha aproximación poética e cercana ao fenómeno do autismo. O narrador ou narradora conta en primeira persoa como é a súa irmá: evoca a súa presenza enigmática, describe o seu cambiante estado de ánimo, expresa as súas emocións e sentimentos hacia ela, o tipo de relación que a une ao conxunto da familia... A comunicación e a comprensión mutua non son tarefa doada, pero nada é comparable á singularidade de Sara. As ilustracións superpóñense sobre papel pintado; son trazos, debuxos, sombras, figuras que se aplican a modo de collage sobre superficies con textura. Transmiten visualmente o que o texto expresa de forma literaria: abstracción, ausencia, afecto, misterio, soidade, pánico, tenrura, enfado... KALANDRAKA volve abordar o mundo das persoas con necesidades educativas especiais; neste caso, dende o punto de vista dun familiar directo que comparte vivencias e inquietudes.  Dunha parte, a colección Makakiños, en colaboración coa asociación BATA, adapta á linguaxe de pictogramas SPC contos tradicionais e clásicos da literatura infantil (“El patito feo”, “El pequeño conejo blanco”, “Chivos chivones”, “La ratita presumida”). Procurando máis autonomía das persoas con autismo, creouse tamén a colección Makakiños Día a Día (“Nicolás va de compras” e “Nicolás cocina sin fuego”), que presenta guías de coñecemento e intercomunicación co contorno. 

32 páxinas.

Medidas 22 cm x 22 cm.